Gedurende die negentiende eeu het verskeie Europese moondhede hul belange in Afrika begin uitbrei. Dit was grootliks op ‘n beperkte skaal, en die status quo was om die direkte administrasie van ‘n uitgestrekte, digbevolkte, vreemde gebied te probeer vermy. Die stadige penetrasie van Afrika gedurende die negentiende eeu het egter ontaard in ‘n stormloop om grondgebied gedurende die laat 1870’s, as gevolg van komplekse faktore. Grondliggend hiertoe was die Europese moondhede se strewe na die uitbreiding van hul ekonomiese belange, […]